今次我終於如願以償去到呢個講左好耐, 約左好耐...但一路都去唔到的廣州之旅la~~~ 廣洲三天遊~今次我地既導遊就係話佢好型佢又唔鐘意，要話佢少少型先ｏｋ！畫畫超靚既德哥－卧龍先生！之後接住就有絕代美男靚成哥－公瑾，射三分好似射籃底咁易既射手華dee哥－關二哥，再黎就係萬夫莫敵既無敵象鼻志宏－三弟，最後就係弱到ａ咁既弱劣孖寶其中一員既肥抄－典韋，當然仲有我一行六人啦！ 我地第一日就坐車去廣洲大學城度搵我地既卧龍先生，因為佢係果邊讀書，所以我地就要投靠佢，順路撞正假期唔洗上堂，就可以一齊去玩！我地搵左賓館後，食左ｄ野就去左係咪北京路呀？唔知喎！行街。因為太夜啦，驚冇地鐡返去，所以又要趕住走！個人認為自己的收獲不錯，買到一件一百蚊鬆少少的jacket同埋抵到爛唔洗70蚊的長運動褲，咁之後我地就返去，但時間尚早，大家都係太想訓住，德哥就帶我地去篤波，以前都玩過一兩次架la~~但多數都係篤一兩q 就唔玩...今次唔同，係真正自己玩，開頭我同靚成同德哥一齊篤，後來華dee 哥黎左，岩晒...二打二，咁我梗係搵番d 唔係太識的人打啦~~華dee 哥就做左我的對手，因為我地大家都唔識~~不過明顯有運氣幫助的我險勝左兩局之後又大輸番一局.........即係打平.................但我個人認為自己發揮得very good la~~高興！ 第二日，我地話就話要一早起身，我9點鐘起身開始打羅咁叫佢地起身，點知一個二個訓到死蛇爛鱔咁，做咁拖一個鐘，跟住搞li 搞lou 又拖一個鐘，食野再拖多一個鐘，最後大約成點鐘先出發，而今日既目標就係長隆啦！其實長隆我都去過一次，都係同呢一團的朋友去，今次多左部垂直過山車同埋個超級大鐵錘，先講垂直過山車，o係戈度我見到個廣告，原來呢個佢自稱係世界三巨頭的過山車，不過睇到呢張告示的時候，我已經玩左兩次，感覺上都絕對有做三巨頭的實力。我地一去到，乜都唔洗講，首先就yahooo佢，嚇到我地心肝脾肺腎都跳晒出黎～真係唔係講笑，雖然我玩乜都驚嫁啦，但呢個真係爽到不能忘記你，我比佢十粒星！我地玩左兩次，一次坐後排，一次坐前排，鍾意玩過山車既朋友一定以為前排先係最爽最刺激，咁你就錯啦！因為一開始去第一個垂直位時，前排既個出晒後望住個地下，只係等衝落去果下，唔同坐後排開始睇唔到，都一郁就直衝落去咁好奇刺激，所以如果愛刺激既朋友，不況爽下佢既後排攻擊先．kaka~不過或者你個人喜歡前排呢！之後我地都玩晒全部遊戲，但可能yahooo左最爽既過山車，其他都覺得小case左好多，下次都係玩晒其他野，最後先玩垂直過山車～但去果個ｕ型滑板都仲係有料到，佢一開波就加速衝上去，加上圈細轉數快，所以一定感受到直落果野，玩咁耐都仲係咁爽！夜啦！我地去睇埋個馬戲先走。呢個馬戲有可能係史上最抵x 的其中一個，因為連埋機動遊戲戈度的套票，只需70大元就可以享受到。最衰我地自己笠，唔係可以早少少到霸番個靚位，結果我地個位置都幾側下，算啦，有機會再睇過。之後我地去左食野，本身諗住去網吧打機，但真係人算不如天算，唯一既網吧都裝修，即話叫我地提早返歸啦！唉～最後我地返賓館玩啤牌遊戲玩到差唔多七點先訓，狂輸狂做運動，超弱～ 第三日，個個都訓到超晏，加上又買左五點車飛，搞到冇得出去行街，就係德哥既屋企度等時間過。最後四點零戈陣就去左等車，順便o係戈頭逛兩野咁啦~~ 三日遊話咁快就爽左，時間真係有d 唔夠洗。不過都唔錯啦，致在大家一齊可以yahooo 下咁解姐！真係爽到不得了！